Landvinnsla

Landvinnslan samanstendur af viðamikilli landvinnslu fyrirtækisins í Dalvíkurbyggð og á Akureyri. Einnig fiskeldis-, slátur- og pökkunarstöðvum í Sandgerði, Núpum og Öxarfirði. Aðalskrifstofa Samherja hf. er á Glerárgötu 30, Akureyri.  Gæða- og umhverfisstefna Samherja er hér

Frystihúsið á Dalvík

hefur verið eitt fullkomnasta frystihús landsins. Í  Aðaláhersla er lögð á vinnslu þorsks og ýsu og er vinnslan  mjög sérhæfð þar sem allar afurðir eru ferskar eða lausfrystar. Framleiddir eru ferskir, sérskornir bitar og fiskkökur af ýmsum stærðum og gerðum, allt eftir þörfum kaupenda hverju sinni. Hluta framleiðslunnar er pakkað í umbúðir sem seldar eru beint á neytendamarkað í stórmörkuðum erlendis. Mikil áhersla er lögð á gæði og hreinlæti og er húsið samþykkt af helstu verslunarkeðjum í Evrópu. Framleiðslukerfið er tölvustýrt og skráningar tryggja rekjanleika vörunnar frá veiðum til viðskiptavinar.

Í byggingu er nýtt stærra og fullkomnara hús, sem verður tekið í notkun árið 2020.

 

dalvik_hus_400Dalvik_nytt_hus

 

Útgerðarfélag Akureyringa

ÚA er á Fiskitanga 4 á Akureyri  og vinna þar alls um 130 manns.  Þar fer fram tæknivædd bolfiskvinnsla, þar sem  unnar eru ferskar og frystar afurðir á neytendamarkaði, aðallega í Evrópu. Árið 2015 var byggt og tekið í notkun nýtt hús á lóðinni sem hýsir fullkomna pökkunarstöð fyrir bæði ferskar og frosnar afurðir auk hitastýrðs afgreiðslurýmis. Húsið er hannað til að mæta ýtrustu kröfum fyrir framtíðar fiskvinnslu.ÚA starfrækir fiskþurrkun að Laugum í Reykjadal (Laugafiskur var stofnsettur 1988 en hefur verið rekinn í núverandi mynd frá því um 2000). Þar fer fram þurrkun allra hausa og hryggja sem til falla hjá félaginu og starfa þar um 20 manns. Nígería er aðal markaðurinn fyrir þurrkuðu afurðirnar.

 

 

Utgerdarfelag_Akureyringa