Fréttir

Þann 20.desember sl. veitti Samherji samtals 82 milljónum króna í styrki til íþróttastarfs og  ýmissa samfélagsverkefna, aðallega á Eyjafjarðarsvæðinu. Einnig var úthlutað fjárstyrkjum til nokkurra einstaklinga sem skara framúr á sínu sérsviði.  Þá var undirritaður styrktarsamningur til 3ja ára við Íþróttasamband fatlaðra. Það var Helga Steinunn Guðmundsdóttir formaður sjóðsins sem afhenti styrkina.
Eins og við fyrri styrkveitingar sjóðsins er gert ráð fyrir að flestum styrkjunum verði ráðstafað til lækkunar þátttökugjalda barna og unglinga og/eða til að lækka kostnað við keppnisferðir þeirra.
Þorsteinn Már Baldvinsson forstjóri Samherja sagði styrkina frá fyrirtækinu renna til fjölmargra verkefna sem flest byggðust á sjálfboðaliðastarfi og „sem öll miða að því að við getum lifað betra og innihaldsríkara lífi með fjölskyldum okkar hér við Eyjafjörð.“ Hann upplýsti að Samherji hefði nú úthlutað samtals rúmlega 550 milljónum króna frá því fyrirtækið hóf að úthluta íþrótta- og samfélagsstyrkjum árið 2008.

Kæru starfsmenn,
Eins og áður hefur komið fram hafði embætti sérstaks saksóknara fellt niður mál tengd okkur eftir mikla rannsókn enda niðurstaða embættisins að ekki væri fótur fyrir kæru Seðlabanka Íslands. Taldi embættið meðal annars að Samherji hefði gætt þess „af kostgæfni“ að skila gjaldeyri til landsins og að ýmsar túlkanir Seðlabankans væru í besta falli „umdeilanlegar“. Samhliða niðurfellingu sendi embætti sérstaks saksóknara afmarkaða þætti til skoðunar hjá skattrannsóknarstjóra.
Það er okkur mikið gleðiefni að tilkynna ykkur að í gær barst Samherja afrit af tilkynningu skattrannsóknarstjóra til embættis sérstaks saksóknara þar sem fram kemur að eftir skoðun á málinu hafi skattrannsóknarstjóri ekki séð ástæðu til nokkurra aðgerða af sinni hálfu.
Þá hefur umboðsmaður Alþingis tekið undir margt af því sem við höfum gagnrýnt varðandi stjórnsýslu Seðlabankans og bankaráð samþykkt að gerð verði óháð úttekt á stjórnsýslu bankans við framkvæmd gjaldeyriseftirlits og gjaldeyrisrannsókna.
Við erum því mjög ánægðir með niðurstöðuna enda er hún í samræmi við það sem við höfum alltaf sagt, að starfsfólk Samherja hafi unnið vel og eftir bestu samvisku þrátt fyrir erfiðar kringumstæður hin síðari ár. Aldrei hefur verið farið jafn nákvæmlega og ítarlega í gegnum starfsemi nokkurs fyrirtækis eins og í þessu máli. Niðurstaðan er að starfsfólk Samherja og dótturfélaga okkar hafa unnið störf sín af trúmennsku og heiðarleika. Er því búið að hreinsa starfsfólk Samherja af ásökunum sem fram komu í kærum Seðlabankans til embættis sérstaks saksóknara.
Ítreka skal að staðfest hefur verið að ávirðingar Seðlabankans hafa verið efnislega rangar og hafa ekkert með gildi laga og reglna að gera. Grundvöllur málsins hefur frá upphafi verið rangur. Aðför Seðlabankans að okkur, félaginu og starfsfólki, verður því ekki kölluð annað en ljót og er bankanum til minnkunar.
Í gegnum þetta mál höfum þétt raðirnar, treyst hvort öðru og haft sigur. Enn og aftur viljum við þakka ykkur kæru starfsmenn fyrir stuðninginn í gegnum þessi hartnær fjögur ár. Það er því ástæða til að gleðjast og að starfsmenn Samherja, hvort sem er á sjó eða landi, geri sér dagamun fljótlega.
Kærar kveðjur,
Þorsteinn Már Baldvinsson
Kristján Vilhelmsson

Samherji hf. og dótturfélög á Íslandi greiddu samtals rúmlega 4.143 milljónir króna til ríkisins vegna síðasta starfsárs. Hæsta greiðslan í formi tekjuskatts nam rúmum 2.649 milljónum króna. Aðrar greiðslur s.s. tryggingagjald og veiðigjald námu samtals 1.494 milljónum króna.
Ríkisskattstjóri hefur lokið álagningu opinberra gjalda lögaðila vegna tekjuársins 2014 og birt lista yfir hæstu gjaldendur. Þar kemur fram að Samherji hf. er tíundi hæsti greiðandinn og greiddi 2.659 milljónir króna í skatt í fyrra. Inn í þá upphæð er ekki tekið tryggingagjald og önnur gjöld sem félög í eigu Samherja hf. eins og Samherji Ísland ehf., Útgerðarfélag Akureyringa ehf. og fleiri félög greiða beint til ríkisins.
Þegar álagðar greiðslur þessara fyrirtækja  eru teknar saman nemur upphæðin samtals 4.143 milljónum króna. Eru þá talin með veiðigjöldin sem félögin greiða til ríkisins en þau eru utan samtölu ríkisskattstjóra þar sem álagning þeirra er á hendi Fiskistofu. Samtals greiddu fyrirtækin 904 milljónir króna í veiðigjöld á síðasta ári.
Hér fyrir neðan má sjá yfirlit yfir skattgreiðslur félaga Samherja vegna gjaldaársins 2014:
Samherji hf., Samherji Ísland ehf., ÚA ehf., Íslandsbleikja ehf., Ice Fresh Seafood ehf. og fleiri félög.




Tekjuskattur
Tryggingagjald
Samtals veiðigjald
Samtals greiðslur til ríkisins


2.649 millj.
590 millj.
904 millj.
4.143   millj.




 

Rétt viðbrögð 19 manna áhafnar Normu Mary komu í veg fyrir að illa færi í gær þegar eldur kom upp um borð á vinnsludekki togarans, þar sem hann var á þorskveiðum í Barentshafi.  Enginn slasaðist í aðgerðunum og búið var að ráða niðurlögum eldsins þegar Norska strandgæslan kom til aðstoðar.  Skipið mun halda til hafnar á Akureyri innan tíðar eða þegar Norska strandgæslan hefur fullvissað sig um að ekki sé hætta á að eldurinn kvikni að nýju.  Á Akureyri verða  skemmdir skoðaðar og metnar áður en  viðgerð hefst.
„Það er alltaf mikil hætta þegar eldur kemur upp í skipi úti á sjó.  Við erum fyrst og fremst þakklátir réttum viðbrögðum áhafnarinnar sem kom í veg fyrir að ekki fór verr um borð í Normu“, segir  Óskar Ævarsson útgerðarstjóri Onward  Fishing.
Norma Mary er togskip í eigu Onward Fishing Company í Skotlandi sem er dótturfélag Samherja hf.

Með bréfi þessu fer stjórn Samherja hf. þess á leit, fh. félagsins og tengdra aðila (saman vísað til sem Samherja), við bankaráð Seðlabanka Íslands, að það hlutist til um að fram fari athugun á stjórnsýslu bankans, bankastjórnar og annarra starfsmanna, að því er snertir gjaldeyriseftirlit, einkum og sér í lagi í tengslum við húsleit, rannsókn, samskipti, kærur og fjölmiðlaumfjöllun af hálfu Seðlabanka Íslands (vísað til sem Seðlabankinn eða bankinn)um málefni Samherja.
Þessi málaleitan er gerð með vísan til ákvæða laga nr. 36/2001 um Seðlabankans, þar sem fram kemur í 28. gr. að bankaráð hafi eftirlit með því að Seðlabankinn  starfi í samræmi við lög sem um starfsemina gilda. Verður að telja yfir allan vafa hafið, að í ákvæði þessu felist víðtæk eftirlitsskylda um að yfirstjórn Seðlabankans fari í störfum sínum að landslögum og hlíti þeim reglum er fram koma í stjórnsýslulögum sem og öðrum lögum.

Kæru starfsmenn

Mál Seðlabankans á hendur stjórnendum Samherja hefur verið fellt niður
Niðurstaða málsins er að engin saknæm háttsemi var viðhöfð
Ásakanir og húsleit Seðlabankans voru tilhæfulausar
Seðlabankinn verður að axla ábyrgð

Fyrir helgi felldi embætti sérstaks saksóknara niður mál á hendur mér og nokkrum starfsmönnum Samherja. Orðrétt kemur fram í bréfi frá embættinu: „Nánar tiltekið taldi embættið að það sem fram kom við rannsókn málsins um ætluð brot og atvik þeim tengd benti ekki til að hugsanleg persónuleg refsiábyrgð [mín] eða annarra kærðra einstaklinga á ætluðum brotum í málinu gæti komið til álita. Þegar af þeirri ástæðu lauk embættið meðferð sinni á viðkomandi sakarefnum málsins enda nægði hún til að útiloka að komið gæti til höfðunar sakamáls vegna ætlaðra brota.“
Ég er afskaplega þakklátur og ánægður að fá þessa niðurstöðu loks í hendur eftir nær fjögurra ára rannsókn. Ég tel niðurstöðuna vera mikinn sigur fyrir okkur og viðurkenningu á faglegum og heiðarlegum störfum okkar. Ég hef ítrekað lýst yfir samstarfsvilja okkar til að upplýsa málið og hef aldrei útilokað að einhvers staðar kynnu að hafa átt sér stað mistök. Hins vegar hef ég alltaf sagt að við höfum unnið eftir bestu vitund. Þetta mál hefði geta klárast mun fyrr ef vilji hefði verið fyrir hendi hjá Seðlabankanum. Hins vegar virðist alltaf hafa verið lengra seilst til að finna höggstað á okkur til að réttlæta þessar hörðu aðgerðir í upphafi.

Fréttatilkynning frá Samherja hf.
Helstu atriði:

Hagnaður ársins 2014 var rúmir 11 milljarðar króna.
Samherji greiðir 2,6 milljarða króna í tekjuskatt til ríkissjóðs Íslands og 900 milljónir í veiðileyfagjald, samtals 3,5 milljarða vegna reksturs ársins 2014.
Tæpur helmingur af starfsemi Samherja samstæðunnar er erlendis.
Félög Samherja seldu afurðir til 60 landa árið 2014 þar af voru 23 lönd í Afríku.

Samherji hf. er eignarhaldsfélag um eignarhluti í dóttur- og hlutdeildarfélögum sem flest tengjast sjávarútvegi og vinnslu afurða hérlendis og erlendis. Rekstur útgerðar og fiskvinnslu á Íslandi er í félögunum Samherji Ísland ehf. og Útgerðarfélag Akureyringa ehf. og rekstur fiskeldis er í Íslandsbleikju ehf. Félög samstæðunnar starfa í ellefu löndum og gera upp í níu mismunandi gjaldmiðlum. (EUR, USD, GBP, ISK, CAD, PLN, DKK, NOK og NAD). Samstæðureikningur Samherja er settur fram í evrum en í tilkynningunni eru tölur umreiknaðar í íslenskar krónur miðað við meðalgengi ársins 2014 sem var 155 krónur á hverja evru. 

Eigendur Samherja og stjórnendur Deutsche Fishfang Union (DFFU)  undirrituðu í gær samning um smíði tveggja skuttogara við norsku skipasmíðastöðina Kleven í Álasundi. Skipin eru hönnuð af Rolls Royce.
Haraldur Grétarsson framkvæmdastjóri DFFU segir að þetta séu ánægjuleg tímamót í rekstri DFFU en Samherji hefur átt og rekið félagið í tuttugu ár. "Við erum búin að fara í gegnum mikla hagræðingu og stundum mögur ár hér í Cuxhaven en nú sjáum við tækifæri til að byggja upp nýjan skipastól fyrir félagið og horfa til framtíðar.  Þetta eru fyrstu nýsmíðar félagsins frá því við keyptum það og löngu tímabært skref. Skipin eru eins og þau gerast best í dag, allur aðbúnaður áhafnar verður til fyrirmyndar og vinnuaðstaða eins og best gerist. Hönnun skipanna  gerir veiðar þeirra umhverfisvænni en eldri skip, sem er mikilvægt skref fyrir okkur og fiskveiðar framtíðarinnar."