Fréttir

Öflugur kælibúnaður er lykilatriði

„Við erum með tæp 900 tonn af síld og siglingin af miðunum til Neskaupsstaðar er um 30 klukkustundir, enda um 400 sjómílur,“ segir Birkir Hreinsson skipstjóri á Vilhelm Þorsteinssyni EA.

Bylting í ferskleika hráefnisins á nokkrum árum

ÚA fiskþurrkun á Laugum í Reykjadal gegnir mikilvægu hlutverki í atvinnulífinu á staðnum, starfsmenn eru hátt í tuttugu. Þar fer fram þurrkun allra hausa og hryggja sem til falla hjá fiskvinnslu ÚA á Akureyri og eru afurðirnar seldar til Nígeríu. Að jafnaði fara tveir fjörutíu feta gámar á viku frá Laugum til Nígeríu. Vinnslustjórinn segir að ferskleiki hráefnisins hafi tekið stórstígum framförum á undanförnum árum.

Hátæknibúnaðurinn opnaði nýjar dyr

Hátæknibúnaðurinn í fiskvinnsluhúsi Samherja á Dalvík og ÚA á Akureyri hefur reynst afar vel og gerir það að verkum að enn betur er hægt að verða við óskum viðskiptavina um sérskorin fiskstykki.
Framleiðslustjóri ÚA segir að Samherj sé þekkt fyriræki á alþjóðlegum mörkuðum fyrir bitaskurð.
Forstjóri Samherja segir mikilvægt að samvinna sjávarútvegsins og hátæknifyrritækja sé sem best og farsælust.

Samherjasjóðurinn styrkir kaup á nýjum snjótroðara

Samherjasjóðurinn styrkti í dag söfnun Skógræktarfélags Eyfirðinga á nýjum snjótroðara, sem ætlað er að þjónusta útivistarfólk sem heimsækir Kjarnaskóg við Akureyri.
Samherjasjóðurinn leggur til 3.000.000 krónur í söfnunina en auk þess mun sjóðurinn styrkja daglegan rekstur troðarans með 1.000.000 króna fjárframlagi.
Nýi troðarinn kostar um 35 milljónir króna og gerir aðkoma Samherjasjóðsins það að verkum að söfnunin telst vera langt komin.

Þung sókn erlendra skipa í bláuggatúnfisk suður af Íslandi

Rúmlega þrjátíu skip, flest frá Japan og Suður-Kóreu, hafa undanfarnar vikur stundað bláuggatúnfiskveiðar í Norður-Atlantshafi, rúmlega 200 sjómílur suður af Vestmannaeyjum. Skipin gætu verið nærri fimmtíu sólarhringa að sigla af veiðislóð til heimahafnar. Veiðin er sögð góð. Kvóti Íslands var 180 tonn í fyrra.

„Smíði skipanna var algjör bylting“

Fjögur ár eru síðan togari Samherja - Björg EA 7 - kom til Akureyrar í fyrsta sinn. Skipið var smíðað í Cemre-skipasmíðastöðinni í Tyrklandi og var síðasta skipið af fjórum systurskipum, Samherji lét smíða þrjú og FISK-Seafood á Sauðárkróki eitt.

Samherji Fiskeldi fær ASC vottun

Samerji Fiskeldi hefur fengið ASC umhverfisvottun á framleiðslu sína í landeldi á bleikju.
ASC (Aquaculture Stewardship Counsel) er ein strangasta umhverfisvottun þegar kemur að fiskeldi og er viðurkennd um allan heim. Samherji Fiskeldi rekur tvær áframeldisstöðvar fyrir bleikju á Suðurnesjum og var framleiðslan um 3500 tonn á síðasta ári. Fyrirtækið er einnig með Whole Foods Market og BAP (Best Aquaculture Practice) vottanir.

Öryggismálin eru og verða alltaf á dagskrá

“Já, viðhorf til öryggis- og vinnuverndarmála hafa tekið miklum og jákvæðum breytingum á undanförnum árum. Hérna hjá Samherja hefur verið starfandi öryggisfulltrúi í ansi mörg ár sem segir mikið um viðhorf eigendanna til öryggis- og vinnuverndarmála og hvernig þeir hugsa um starfsfólkið sitt. Ég hef verið í þessu starfi í um fjögur ár og legg mikið upp úr því að framfylgja þeirra gildum,” segir Jóhann G. Sævarsson öryggisstjóri Samherja.

„Ég elska Akureyri og ég elska ÚA“

Allir starfsmenn í fiskvinnsluhúsi Útgerðarfélags Akureyringa þekkja Patcharee Srikongkaew, sem fluttist frá Thailandi til Akureyrar fyrir þrjátíu árum síðan. Hún byrjaði strax að vinna hjá ÚA og segist ekki detta til hugar að skipta um starfsvettvang. „Ég elska ÚA og ég elska Akureyri,“ segir Patcharee.

Nýi dælubúnaðurinn "algjör bylting“

Um 6.500 tonn af fiskhausum og hryggjum falla til á ári í fiskvinnsluhúsi Samherja á Dalvík. Til þessa hefur afurðunum verðið ekið í körum til þurrkvinnslunnar en með nýjum búnaði er því nú dælt eftir rörum milli húsanna. Lagnakerfið er um 300 metra langt. Afgangsvatn frá kælikerfi fiskvinnsuhússins er notað við dælinguna.