Fréttir

Laugardagskvöldið 27. mars sl. var haldin sameiginleg árshátíð allra starfsstöðva Samherja í landi í KA-heimilinu á Akureyri. Um 540 manns voru samankomin til að skemmta sér og tókst hátíðin með eindæmum vel.

                               Samherji hf. og Vísir hf. hafa ákveðið að hefja samvinnu í veiðum, vinnslu, flutningum, þróun og sölu sjávarafurða. Mikil samþjöppun hefur átt sér stað að undanförnu á smásölumarkaðnum. Telja stjórnendur fyrirtækjanna því að samvinna þeirra muni aukast til að mæta auknum kröfum um fjölbreytni, afhendingaröryggi, þjónustu og matvælarþóun.  Auknar kröfur smásölumarkaðarins kalla á slíka samvinnu fyrirtækja í sjávarútvegi. Til þess að ná þessum markmiðiðum er þörf á samvinnu af þessu tagi, en sameining er ekki nauðsynleg. Fyrirtækin binda vonir við að þetta samstarf komi til með að styrkja þau í framtíðinni.

Einn af stærstu viðskiptavinum Seagold í Bretlandi er fyrirtækið T-Quality, sem sérhæfir sig í þjónustu við skyndibitastaði. Undanfarin ár hefur T-Quality haldið vörusýningar fyrir viðskiptavini sína sem og aðra þá sem vilja kynna sér þeirra vörur. Seagold Ltd, sölufyrirtæki Samherja í Bretlandi hefur tekið þátt í sýningunni undanfarin ár og sama var upp á teningnum nú. 

Stjórn Samherja hf. hefur ákveðið að fresta aðalfundi félagsins sem vera átti fimmtudaginn 25. mars 2004 vegna óviðráðanlegra aðstæðna. Aðalfundur félagsins verður haldinn fimmtudaginn 29. apríl 2004 kl. 15:00. Auglýsing um dagskrá aðalfundar mun verða birt í fjölmiðlum í samræmi við lög félagsins.  

Fréttatilkynning frá Samherja hf. miðvikudaginn 17. mars 2004.Giftusamlega tókst að koma fjölveiðiskipinu Baldvin Þorsteinssyni EA á flot laust fyrir klukkan tvö í nótt eftir að hann hafði verið strand í Skálafjöru á Meðallandssandi í tæpa 8 sólarhringa. Í gærkvöld var byrjað að dæla loðnu og sjó úr skipinu til að létta það og síðan var því snúið þannig að stefnið snéri til hafs. Upp úr miðnætti var síðan byrjað að draga skipið og komst það á flot um klukkan 1:55 í nótt. Skipið er nú á leið til Noregs þar sem skemmdir á því verða kannaðar en ef skipið þarf í viðgerð er líklegt að hún taki skemmri tíma ytra en hér heima.

Björgunaraðgerðir á Baldvin Þorsteinssyni EA 10: Samherji hf. og Tryggingarmiðstöðin eru búin að semja við fyrirtækið Seabrokers Chartering AS í Noregi um leigu á m/s Normand Mariner, sem er sérhæft dráttarskip í eigu Solstad Supply. Skipið lagði af stað frá Bergen kl. 10 fh að ísl. tíma og siglir á 15 mílna hraða. Áætlaður siglingatími til Íslands er um tveir og hálfur sólarhringur.Einnig hefur verið samið um leigu á 2500 m langri dráttartóg, sem þolir 800 tonna átak. Þetta er tóg, sem flýtur á sjónum og er í 500 m lengjum, sem lásaðar eru saman, með sérstökum búnaði. Tógin er nú þegar komin um borð í dráttarskipið.

- Öllum skipverjum bjargað frá borði Baldvin Þorsteinsson EA 10 fékk nótina í skrúfuna í nótt.  Skipið var statt á loðnumiðum suður af Skarðsfjörum.  Sunnanátt var og stórstreymt þegar óhappið varð og rak skipið að landi.  Önnur loðnuskip sem voru stödd á miðunum reyndu að koma til hjálpar en taugar sem tókst að koma á milli slitnuðu.  Neyðarkall var sent út og fór þyrla Landhelgisgæslunnar fljótlega í loftið og björgunarsveitir í landi héldu á vettvang.  Í áhöfn skipsins eru 16 menn og var þeim öllum bjargað frá borði.  Stærsti hluti áhafnarinnar var fluttur á Kirkjubæjarklaustur en fjórir eru eftir í fjörunni við skipið.  Baldvin Þorsteinsson EA 10 er 2.968 brúttólesta fjölveiðiskip smíðað árið 1994 í Flekkefjord í Noregi, lengt í Riga Lettlandi árið 2002.  Skipið er 86 metra langt og 14 metra breitt.  Skip og afli vega samtals um 5.600 tonn.  Baldvin Þorsteinsson var að veiðum og eru í skipinu u.þ.b. 1.500 tonn af loðnu.

Afkoma Samherja á árinu 2003:Samkvæmt rekstrarreikningi Samherja hf., fyrir árið 2003, nam hagnaður 1.067 milljónum króna samanborið við 1.879 milljóna króna hagnað árið áður.

Loðnubræðsla hafin í GrindavíkFyrsti loðnufarmurinn á þessari vertíð kom til vinnslu í endurbættri og stækkaðri fiskimjölsverksmiðju Samherja í Grindavík nú í upphafi vikunnar Afkastageta verksmiðjunnar hefur aukist verulega með nýjum þurrkara og öðrum búnaði. Bræðsla er þegar komin á fullt en Óskar Ævarsson, rekstrarstjóri Samherja í Grindavík, segir þó of snemmt að segja til um hvernig verksmiðjan reynist eftir breytingarnar. 

Fjölveiðiskip Samherja, Baldvin Þorsteinsson EA og Vilhelm Þorsteinsson EA, hafa verið að frysta loðnu fyrir Rússlands- og Austur-Evrópumarkað. Skipin hafa aflað vel og hefur frystingin gengið vonum framar. Nú hafa þessi tvö skip þegar fryst sem nemur 6.500 tonnum af loðnu.