Fréttir

Samanlagður afli skipa Samherja hf. á nýliðnu ári nam ríflega 152 þúsund tonnum. Afli fjölveiði- og uppsjávarskipa nam samtals um 128.000 tonnum og afli bolfiskskipa félagsins var samanlagður um 24.000 tonn. Heildarverðmæti þessa afla nam 5,4 milljörðum króna. Til samanburðar var heildarafli skipa Samherja hf. á árinu 2002 um 157.000 tonn og aflaverðmætið nálægt 6,6 milljörðum. Helstu ástæður minna aflaverðmætis er annars vegar lægra afurðaverð í erlendri mynt og hins vegar hækkun á gengi íslensku krónunnar.

Aflaverðmætið nam 526 milljónum króna á árinu 2003, sem er hugsanlega mesta aflaverðmæti íslensks ísfisktogara á einu áriÍsfiskskipið Björgúlfur EA 312 veiddi alls 5.000 tonn á árinu 2003 og nam aflaverðmætið rúmum 526 milljónum króna (FOB-verðmæti). Þetta er mesti afli sem skipið hefur komið með að landi á einu ári og má telja að hér sé um að ræða mesta aflaverðmæti sem íslenskur ísfisktogari hefur skapað á einu og sama árinu.

Mun meiri verðmætasköpun í síldveiðum en hjá öðrum skipum íslenska síldveiðiflotans Fjölveiðiskipið Vilhelm Þorsteinsson EA-11 veiddi alls tæp 54.000 tonn á árinu 2003 og nam framleiðsluverðmæti afurðanna 1.135 milljónum króna (CIF-verðmæti). Afli skipsins var aðallega síld, loðna, kolmunni og úthafskarfi. Skipið veiddi alls 23.000 tonn af síld, 22.000 tonn af loðnu, 8.000 tonn af kolmunna og um 1.400 tonn af úthafskarfa. 

Samherji hf og Framherji í Færeyjum hafa gengið frá kaupum á 42% hlut í frystigeymslunni Bergfrost í Fuglafirði í Færeyjum. Frystiklefar Bergfrosts eru 3 og eru þeir sprengdir inn í fjallshlíð í Fuglafirði, rúmmál þeirra samtals er 50.000 m3, og taka þeir allt að 13.000 tonnum af frystum afurðum á brettum. Þá er í byggingu 700 fm hús við hlið frysti-geymslunnar til flokkunar og skráningar á fiski.  Byggingin verður svokölluð landamærastöð þar sem taka má á móti fiski sem kemur frá löndum utan Evrópusambandsins og mun uppfylla allar kröfur þar að lútandi. Verður þetta ein af þremur landamærastöðvum ESB í Færeyjum. 

Hr. Ólafur Ragnar Grímsson forseti skoðar afurðir í framleiðslunni hjá Gunnari Aðalbjörnssyni rekstrarstjóra Snæfells á Dalvík   Í tilefni af veitingu Útflutningsverðlauna Forseta Íslands til Samherja hf. í maí sl. kom Hr. Ólafur Ragnar Grímsson ásamt eiginkonu sinni, frú Dorrit Moussaieff, og fulltrúum úthlutunar-nefndarinnar og Útflutningsráðs í heimsókn til Samherja í dag. Á móti gestunum tóku Þorsteinn Már Baldvinsson, forstjóri Samherja, og Kristján Vilhelmsson, framkvæmdastjóri útgerðar, ásamt hátt í 200 starfsmönnum Samherja hf.

Níu mánaða uppgjör Samherja hf.:Samherji hf. var rekinn með 622 milljón króna hagnaði á fyrstu níu mánuðum ársins 2003. Hagnaður fyrir afskriftir og fjármagnsliði (EBITDA) var 1.800 milljónir króna, eða 19,2% af rekstrartekjum. Veltufé frá rekstri var 1.286 milljónir króna og handbært fé frá rekstri nam 1.110 milljónum.

Opin ráðstefna á vegum Útvegsmannafélags Norðurlands í matsal Útgerðarfélags Akureyringa hf. föstudaginn 21. nóvember kl. 13.30. Allir velkomnir. 

Það sem af er þessu ári hefur Samherji flutt út um tólf þúsund tonn af frystum afurðum, bæði bolfisk- og uppsjávarafurðum, með flutningaskipum sem félagið hefur leigt til flutninga á sjávarafurðum frá Íslandi til hafna í Evrópu. Eitt af þessum skipum, Green Snow, er nú í Neskaupstað þar sem stefnt er að því að ljúka við lestun skipsins annað kvöld, en fulllestað tekur það um 1.850 tonn. Áður hafði Green Snow haft viðkomu í Grindavík, þar sem skipað var út 425 tonnum, og á Reyðarfirði, þar sem skipað var út tæplega 300 tonnum. Uppistaðan í farminum er síldarflök, en einnig bolfiskafurðir. 

Breytingar á skipastól Samherja.: Samherji hf. hefur nýtt sér skilarétt í kaupsamningi sem félagið gerði um kaup á frystitogaranum Akrabergi af Framherja Spf. og hefur skipinu þegar verið skilað til fyrri eigenda. Skipið var gert út á úthafskarfaveiðar og fór eina veiðiferð á vegum Samherja hf.Fréttatilkynning frá Samherja hf., þriðjudaginn 14.október 2003

Breytingar á skipastól Samherja hf.: Gengið hefur verið frá samningi um sölu á fjölveiðiskipinu Þorsteini EA til Hraðfrystistöðvar Þórshafnar hf. Með í kaupunum fylgir 1,25% aflahlutdeild í loðnu, 2% hlutdeild í kolmunna og 1,1% hlutdeild í íslenskri síld. Söluverð er 1.360 milljónir króna. Sala þessi myndar hvorki söluhagnað né sölutap hjá félaginu. Skipið verður afhent nýjum eigendum þann 30. nóvember n.kFréttatilkynning frá Samherja hf. 9. september 2003