Fréttir

Í síðustu viku greindi Samherji frá því í tilkynningu að rannsókn norsku lögmannsstofunnar Wikborg Rein á starfsemi Samherja í Namibíu væri lokið. Þar var jafnframt útlistað hvert yrði framhald málsmeðferðarinnar. Var þar tekið fram að Samherji myndi á næstunni gera frekari grein fyrir einstökum ásökunum sem bornar hafa verið á félagið og starfsfólk þess.
Nú liggja fyrir .......

Morgunblaðið fjallar í dag um samantekin reikningsskil félaga á vegum Samherja í Namibíu undir fyrirsögninni „Ekkert arðrán átt sér stað.“ Í frétt blaðsins kemur fram að á árunum 2012-2018 hafi félög tengd Samherja greitt namibískum fyrirtækjum, samstarfsaðilum og ríkissjóði Namibíu samtals rúmlega 21 milljarð króna á gengi dagsins. Þannig hafi miklum verðmætum verið skilað inn í namibískt samfélag á þeim árum sem félögin voru í rekstri. Í umfjöllun blaðsins eru einnig rifjuð upp ýmis ummæli sem voru látin falla, um reksturinn í Namibíu, í nóvember á síðasta ári. Umfjöllun blaðsins fer hér á eftir:

Wikborg Rein hefur nú kynnt niðurstöður skýrslu, sem unnin var vegna rannsóknar á starfsemi Samherja í Namibíu, fyrir stjórn félagsins.
Í nóvember 2019 voru settar fram ásakanir á hendur Samherja vegna rekstrarins í Namibíu. Stjórn Samherja fól í kjölfarið norsku lögmannsstofunni Wikborg Rein að aðstoða við rannsókn á starfseminni og að leiða í ljós allar staðreyndir um hana. Wikborg Rein er leiðandi lögmannsstofa á Norðurlöndunum á þessu sviði og í rannsóknum af þessu tagi. Lögmenn stofunnar búa að áratuga reynslu af sambærilegri vinnu fyrir stjórnvöld í norrænum ríkjum og fyrir alþjóðleg fyrirtæki.

Í gær birtist frétt unnin af Finance Uncovered um starfsemi félaga sem tengjast Samherja í Namibíu. Að miklu leyti felur hún sér endurvinnslu á áður birtu efni.

Engin störf töpuðust í namibískum sjávarútvegi eftir að félög tengd Samherja hófu þar starfsemi á árinu 2012. Fullyrðingar þess efnis að þúsundir starfa hafi glatast, sem komu fram í fjölmiðlum í gær, eiga ekki við nein rök að styðjast. Um er að ræða sömu rangfærslur og Samherji leiðrétti á síðasta ári.
Félög tengd Samherja tóku eingöngu þátt í uppsjávarveiðum í namibísku efnahagslögsögunni og var þar einkum um að ræða veiðar á hrossamakríl. Árið 2011 var úthlutunarreglum breytt á uppsjávartegundum í Namibíu. Fjórðungur aflaheimilda í uppsjávarfiski var færður til namibískra félaga og einstaklinga, aðallega frá suður-afrískum stórfyrirtækjum. Eftir úthlutun aflaheimilda í hrossamakríl leituðu namibískir aðilar eftir samstarfi við félög tengd Samherja um nýtingu þeirra.

Nýr Vilhelm Þorsteinsson EA var sjósettur hjá skipasmíðastöðinni Karstensens Skibsværft í Gdynia í Póllandi hinn 12. júní síðastliðinn. Skrokkurinn var tilbúinn til sjósetningar fyrir átta vikum en vegna Covid-19 heimsfaraldursins var ekki að ráðist í hana fyrr en nú.
Skipið mun leysa af hólmi núverandi Vilhelm Þorsteinsson EA 11 sem kom nýr til landsins fyrir tveimur áratugum. Burðargeta skipsins verður um 3.000 tonn af kældum afurðum.

Samherji hf. vill koma eftirfarandi upplýsingum á framfæri vegna umfjöllunar í dag um breytt eignarhald í fyrirtækinu.

Aðaleigendur Samherja hf. hafa framselt hlutafjáreign sína í fyrirtækinu til barna sinna eins og greint hefur verið frá í fjölmiðlum. Var þetta gert annars vegar með sölu hlutafjár og hins vegar með fyrirframgreiddum arfi.

Undirritaður var kaupsamningur, vegna þeirra hlutabréfa sem voru seld, í ágúst 2019. Var samningurinn háður ýmsum fyrirvörum og gátu kaupin ekki gengið í gegn fyrr en þeim hafði verið aflétt.

Hákon Þröstur Guðmundsson, sem starfar á útgerðarsviði Samherja, og Guðmundur Þ. Jónsson, skipstjóri hjá Samherja, birtu í dag grein á Vísi þar sem þeir leiðréttu rangfærslur Kristins H. Gunnarssonar, fyrrverandi alþingismanns, um skip og veiðiheimildir Samherja. Rangfærslur Kristins höfðu birst í grein á sama vettvangi. Grein þeirra Hákonar og Guðmundar fer hér á eftir:

Eftir 50 ára farsælan feril til sjós, í 40 ár sem skipstjóri og þar af tæp 30 ár á skipum Samherja og tengdra félaga, segist Brynjólfur Oddsson hafa farið í sína síðustu veiðiferð sem fastráðinn skipstjóri. Þorsteinn Már Baldvinsson, forstjóri Samherja, á von á því að það verði farin að lágmarki ein veiðiferð enn sem verði Brynjólfi örugglega eftirminnileg.

Arngrímur Brynjólfsson, skipstjóri, fagnar í dag 68 ára afmæli. Arngrímur starfaði hjá Samherja frá því núverandi eigendur keyptu fyrirtækið árið 1983 þangað til í byrjun þessa árs en þá settist hann í helgan stein eftir rúmlega hálfa öld á sjó sem háseti, stýrimaður og skipstjóri. Á tæplega 37 ára starfsferli hjá Samherja fylgdi hann fyrirtækinu í gegnum miklar breytingar og vöxt.