Fréttir

Fjöldi fólks tók á móti Baldvin Þorsteinssyni EA-10:Fjöldi fólks tók á móti fjölveiðiskipinu Baldvin Þorsteinssyni EA-10 þegar það lagðist að Tangabryggjunni á Akureyri sl. föstudagskvöld og segir Hákon Þröstur Guðmundsson, annar tveggja skipstjóra á Baldvin, að það hafi verið sérstaklega gaman að fá slíkar móttökur. “Það var rosalega gaman að koma heim með skipið í svona fínu veðri og sjá allan þennn fólksfjölda á bryggjunni."

Þriðja fjölveiðiskipið í flota Samherja hf:Baldvin Þorsteinsson EA 10, fjölveiðiskip Samherja hf., leggst kl. 21 í kvöld að Tangabryggjunni á Akureyri eftir fimm sólarhringa siglingu frá Riga í Lettlandi þar sem skipið var lengt og gerðar á því ýmsar aðrar breytingar í skipasmíðastöðinni Riga Shipyard.  Eftir þessar breytingar er Baldvin Þorsteinsson öflugt fjölveiðiskip fyrir veiðar og vinnslu á uppsjávarfiski og rækju.  Skipið hefur m.a. verið lengt um 17,6 metra og er mesta lengd þess nú  85,85 metrar. Mesta breidd skipsins er 14 metrar og brúttótonnin eru 2968.

Hagnaður Samherja á fyrstu 9 mánuðum ársins 2002 nam 1.950 milljónum króna samanborið við 269 milljón króna hagnað á sama tíma í fyrra.

Landskeppni um gerð viðskiptaáætlana, sem ber yfirskriftina Þjóðarátak um nýsköpun, var formlega hleypt af stokkunum í dag, 18. nóvember. Markmið átaksins er að örva nýsköpun og frumkvöðlastarfsemi í íslensku atvinnulífi til að stuðla að auknum hagvexti og bættum lífskjörum. Að verkefninu standa nokkur öflugustu fyrirtæki og stofnanir landsins.

Fiskimjölsverksmiðja Samherja í Grindavík Kolmunnavertíðinni er lokið. Síðastliðinn mánudag og þriðjudag lönduðu Vilhelm Þorsteinsson EA 11og Bergur VE 44 lönduðu síðustu tonnunum af kolmunnakvóta Samherja í Grindavík. Í ár tók fiskimjölsverksmiðja Samherja í Grindavík á móti 33 þúsund tonnum af kolmunna, sem er veruleg aukning frá fyrra ári þegar sex þúsund tonnum var landað þar.  Aðeins þrjár verksmiðjur hafa tekið á móti meiri kolmunna á vertíðinni en Samherji í Grindavík, þ.e. á Eskifirði, Neskaupstað og Seyðisfirði.

 Seagold Ltd, sölufyrirtæki Samherja í Bretlandi, hefur flutt sig um set í Hull. Frá stofnun félagsins í maí 1996 hefur það verið til húsa í miðbæ Hull, en nú er Seagoold komið í um 100 fermetra skrifstofuhúsnæði í útbæ Hull, sem heitir Hessle.

Finnbogi Jónsson, stjórnarformaður Samherja hf.ÚTFLUTNINGSVERÐMÆTI uppsjávaraflans gæti orðið um 36 milljarðar króna eftir áratug með vaxandi manneldisvinnslu. Verðmæti þessa afla var í fyrra um 21milljarður króna og 14 milljarðar árið áður. Þetta er mat Finnboga Jónssonar, stjórnarformanns Samherja og SR mjöls, og kom fram í erindi hans á aðalfundi LÍÚ þ. 1.nóvember s.l. (Power Point glærusýning með erindinu er hér 2702Kb)  

Skipulagsstofnun hefur í dag fallist á framkvæmd allt að 6000 tonna laxeldisstöðvar Samherja hf. í Reyðarfirði eins og henni er lýst í gögnum framkvæmdar- aðila.

Þorsteinn Már Baldvinsson:Á ráðstefnu um Akureyri og atvinnulífið, sem efnt var til á Akureyri 18. október sl., flutti Þorsteinn Már Baldvinsson, forstjóri Samherja hf, erindi þar sem hann beindi sjónum að þróun byggðar á Akureyri og Eyjafjarðarsvæðinu með áherslu á sjávarútveginn. Erindi Þorsteins fer hér á eftir: (Power Point glærusýningu með erindinu er hér 1134Kb)