Fréttir

Baldvin Þorsteinsson seldur til DFFU í Þýskalandi -en Hannover NC keypt í staðinn og breytt í fjölveiðiskipSamherji hf. hefur ákveðið að ganga til samninga við útgerðarfyrirtækið Deutsche Fischfang Union í Cuxhaven í Þýskalandi (DFFU) um sölu frystiskipsins Baldvins Þorsteinssonar EA-10 til DFFU. Miðað er við að skipið verði afhent nýjum eiganda í febrúar á næsta ári. Jafnframt er gert ráð fyrir að Samherji hf. kaupi frystiskipið Hannover NC-100, áður Guðbjörg ÍS, af DFFU og því verði breytt í fjölveiðiskip, sem geti veitt og unnið rækju, bolfisk og uppsjávarfisk um borð. Gert er ráð fyrir að fjárfesting Samherja hf. í þessum viðskiptum við DFFU nemi sem svarar 265 milljónum króna.

Allar aflaverðmætatölur vinnsluskipa eru uppreiknaðar í Cif verðmæti. Áætlað er fyrir verðmæti þeirra veiðiferða sem er að ljúka. Skip Samherja Framleiðslu- verðmæti (milljónir) Afli (tonn) Vilhelm Þorsteinsson Cif 1.340 54.300 Baldvin Þorsteinsson Cif 970 6.400 Víðir Cif 820 5.800 Akureyrin Cif 790 5.200 Björgvin Cif 770 3.500 Margrét Cif 550 2.500 Þorsteinn Ferskt 360 38.600 Kambaröst Ferskt 350 3.700 Björgúlfur Ferskt 310 3.200 Oddeyrin Ferskt 170 23.700 Hjalteyrin Ferskt 120 1.200 Samtals - 6.550 148.100

Síðastliðið þriðjudagskvöld kom Akureyrin EA til hafnar á Akureyri eftir 28 daga veiðiferð með aflaverðmæti upp á tæpar 100 milljónir króna. Skipstjóri var Árni Bjarnason og var þetta síðasti túrinn hans, í bili a.m.k., þar sem hann tekur nú við sem formaður Farmanna- og fiskimannasambandsins. Árni á að baki yfir 30 ára sjómannsferil og hefur því upplifað miklar breytingar í greininni.

Flutningskostnaður og sölulaun eru ekki dregin frá framleiðsluverðmæti. Áætlað er fyrir framleiðsluverðmæti og magni síðustu daga ársins. Landvinnsla Framleiðslu- verðmæti (milljónir) Hráefni (tonn) Rækjuvinnsla Akureyri - 1.800 9.300 Frysting Dalvík - 1.600 5.600 Bræðsla Grindavík - 1.200 93.000 Uppsjávarfrysting Grindavík - 260 4.300 Frysting Stöðvarfjörður - 400* 1.700 Þurrkun Dalvíkurbyggð - 230 3.600 Saltfiskverkun Árskógsandi - 210 900 Samtals: - 5.700 118.400 * Leiðrétt 02.01.2002 (úr 260 millj. í 400 millj.)

Nýverið var ýtt úr vör verkefni á frystitogurum Samherja sem gengur út á að hirða alla þorskhausa sem til falla við vinnsluna. Þeir eru frystir um borð og þegar í land er komið fara þeir til vinnslu í hausaþurrkun félagsins á Hjalteyri og Dalvík. Einnig hafa hausarnir verið fluttir út frosnir.

Fyrir síðustu jól tóku stjórnendur Samherja hf. ákvörðun um að senda ekki út jólakort heldur yrði andvirði þeirra notað í þágu góðs málefnis. Sami háttur verður hafður á fyrir þessi jól og mun andvirði jólakortanna renna til styrktar starfi Þroskahjálpar á Norðurlandi eystra.

Samherji hf. hefur auglýst eftir að ráða gæðastjóra til starfa á Akureyri. Viðkomandi ber ábyrgð á gæðamálum fyrirtækisins, með áherslu á rækjuverksmiðju félagsins. Um er að ræða fjölbreytt starf hjá stærsta sjávarútvegsfyrirtæki landsins, enda nær starfsemi Samherja sem kunnugt er yfir öll svið sjávarútvegs, allt frá veiðum að borði neytandans.

Neðangreint bréf hefur verið sent hluthöfum Samherja hf.:Kæri hluthafi. Stjórn Samherja hf. samþykkti á stjórnarfundi þann 28. nóvember s.l. að nýta að hluta til heimild sína frá síðasta aðalfundi, sem haldinn var 10. apríl 2001, til kaupa á eigin bréfum. Samþykkt var að kaupa hlutabréf að nafnverði allt að kr. 66.235.681 af hluthöfum á genginu 10,1 eða fyrir kr. 668.980.381. Félagið býðst því til að kaupa 4% af hlutabréfaeign þinni á áðurnefndu gengi. Kaupin miðast við hlutafjáreign þína í lok viðskiptadags þann 6. desember 2001. Heildarhlutafé Samherja hf. í dag er kr. 1.660.000.000 og þar af á félagið sjálft eigin bréf að nafnvirði kr. 4.107.968. Ástæðan fyrir þessum kaupum er sú skoðun stjórnar félagsins að æskilegt sé fyrir félagið að eiga eigin hlutabréf ef fjárfestingakostir bjóðast. Viljir þú nýta þér þetta tilboð þá vinsamlegast fylltu út meðfylgjandi eyðublað og sendu Íslenskum verðbréfum hf. Skipagötu 9, 600 Akureyri, sem annast umsýslu á viðskiptunum, fyrir 17. desember n.k. Gert er ráð fyrir að greiðslur skv. tilboði þessu fari fram í síðasta lagi 21. desember n.k. Það skal tekið fram að þeir hluthafar sem nýta sér þetta tilboð greiða engan viðskiptakostnað vegna viðskiptanna. Til að hægt sé að ganga frá viðskiptunum er nauðsynlegt að meðfylgjandi vörslusamningur sé fylltur út og sendur til Íslenskra verðbréfa hf. ásamt meðfylgjandi eyðublaði. Virðingarfyllst, f.h. Samherja hf. Þorsteinn Már Baldvinsson

Hagnaður Samherja 269 milljónir króna -Veltufé frá rekstri nam 2.059 milljónum króna Rekstur Samherja gekk vel fyrstu níu mánuði ársins. Rekstrartekjur námu 9.325 milljónum króna. Hagnaður fyrir afskriftir og fjármagnsliði nam 2.579 milljónum króna. Fjármagnsliðir voru neikvæðir um 1.469 milljónir króna á tímabilinu og áhrif hlutdeildarfélaga voru neikvæð um 101 milljón króna. Að teknu tilliti til skatta og annarra gjalda og tekna nam hagnaður tímabilsins 269 milljónum króna. Veltufé frá rekstri var 2.059 milljónir króna.

Rækjuvinnsla Samherja á Akureyri hefur gengið mjög vel á árinu. Í liðinni viku höfðu verið framleidd 2.900 tonn frá áramótum sem er jafn mikið og félagið hefur áður framleitt á heilu ári. Ljóst er að framleiðsla yfirstandandi árs verður vel yfir 3.000 tonn. Þetta er enn athyglisverðara í ljósi þess að nú rekur félagið eina rækjuverksmiðju en þegar gamla metið var sett, árið 1995, voru verksmiðjurnar tvær.