Fréttir

Í dag var haldinn fundur með starfsmönnum rækjuvinnslu Samherja á Akureyri þar sem þeim var tilkynnt að félagið hafi ákveðið að hætta rækjuvinnslu og loka starfsstöð félagsins á Akureyri.

Vegna kaupa Kaldbaks ehf. á hlutum í Rem Offshore sem tilkynnt var um fyrr í dag, hafa Barentz AS sem er í eigu Åge Remøy framkvæmdastjóra Rem Offshore og Kaldbakur ehf., sent eftirfarandi tilkynningu til Norsku Kauphallarinnar:

Dótturfélag Samherja hf. Kaldbakur ehf. hefur keypt 2.444.446 hluti í Rem Offshore ASA í Noregi á genginu 53,50 og á eftir kaupin 6,24 % af heildarhlutafé félagsins. Jafnframt hefur verið gert hluthafasamkomulag milli fimm hluthafa sem eiga 50,51% eignarhlut um að koma fram sameiginlega á aðal- og hluthafafundum félagsins. Í samkomulaginu er einnig forkaupsréttarákvæði milli þessara aðila í. Þetta hefur verið tilkynnt til Norsku Kauphallarinnar.

Samherji hefur ákveðið að hætta allri skreiðarverkun á Hjalteyri við Eyjafjörð. Með þessu er verið að bregðast við fyrirsjáanlegum samdrætti í kjölfar niðurskurðar þorskveiðiheimilda.

Stofnað hefur verið félag um sölustarfsemi Samherja hf. Félagið heitir Ice Fresh Seafood og er að fullu í eigu Samherja. Með stofnun félagsins er verið að skerpa á áherslum í sölumálum og auka þjónustu bæði við birgja sem og viðskiptavini. Ice Fresh Seafood mun sem fyrr einbeita sér að sölu afurða Samherja og dótturfélaga þess. Ennfremur mun nýja félagið halda áfram, - og auka, sölu fyrir aðra framleiðendur.

Fréttatilkynning frá Samherja hf:Í febrúar sl. tilkynnti Þorsteinn Már Baldvinsson, forstjóri Samherja hf., að nú væri tími til að sækja fram. Á undanförnum mánuðum hefur þeirri yfirlýsingu verið fylgt eftir með kaupum á skipum og fyrirtækjum, bæði hér heima og erlendis.

Fyrsta flug Norðanflugs var farið í gær, 3. júní, þ.e. á sjómannadaginn, með 11 tonn af ferskum fiski frá Samherja hf. til Belgíu.

Sjómenn á skipum Samherja og makar voru boðnir í móttöku á aðalskrifstofu félagsins á Akureyri laugardaginn 2. júní sl. Kristján Vilhelmsson útgerðarstjóri bauð gestina velkomna. Í máli hans kom m.a. fram að í dag fara samskipti að miklu leyti fram í tölvupósti og launagreiðslur eru sendar rafrænt á milli reikninga. Þess vegna ættu starfsmenn sjaldan erindi á skrifstofuna og dæmi væru um að starfsmaður hafi aldrei komið á skrifstofuna þrátt fyrir margra ára starf. Eins og meðfylgjandi myndir bera með sér, var glatt á hjalla og gestirnir nutu veitinga og samveru í nýuppgerðu skrifstofuhúsnæði félagsins.Smelltu hér til að skoða myndir

Samherji hf. hefur keypt neyðaröndunartæki sem áformað er að verði sett við hverja koju í skipum fyrirtækisins. Neyðaröndunartækið, eða “flóttatækið” eins og tækið er einnig nefnt, á ensku "Emergency escape breathing device" skammstafað EEBD, er ætlað til að skipverjar geti forðað sér örugglega út úr vistarverum eða öðrum rýmum ef þau fyllast af reyk. Þau eiga ávallt að vera tiltæk í þar til gerðu “statífi” í seilingarfjarlægð frá kojunum. Einnig verða um borð í skipunum æfingagrímur sem ætlast er til að menn noti sem oftast til að kynnast búnaðinum.