Fréttir

Eldur braust út í togaranum Akureyrinni EA 110 laugardaginn 27.maí sl. með þeim hörmulegu afleiðingum að tveir skipverjar létust og 6 skipverjar fengu snert af reykeitrun.  Þyrla Landhelgisgæslunnar kom til aðstoðar ásamt mönnum frá Slökkviliði höfuðborgarsvæðisins og voru skipverjarnir 6 fluttir í land með þyrlunni.  Eftir að ráðið var niðurlögum eldsins var skipinu siglt til lands fyrir eigin vélarafli.  Skipið var statt 75 mílur vestur af Látrabjargi og voru 18 menn um borð.

Í kjölfar þeirra ákvarðana, sem teknar hafa verið í ríkisstjórn Íslands varðandi aðgerðir tengdar fiskeldi, hefur Samherji hf. í gegnum dótturfélag sitt Oddeyri ehf. ákveðið að draga minna úr umsvifum sínum fiskeldi hérlendis en áður hafði verið ákveðið.

Samkvæmt ársreikningi Samherja hf. fyrir árið 2005, sem stjórn félagsins samþykkti á stjórnarfundi sínum í dag, nam hagnaður Samherja 3.104 milljónum króna samanborið við 2.914 milljóna króna hagnað árið áður.

- fjölmennasta árshátíð Samherja til þessa að bakiÁrshátíð Samherja var haldin laugardaginn 25. mars sl. í Íþróttahöllinni á Akureyri og tókst hún vonum framar. Um var að ræða einhverja fjölmennustu árshátíð sem haldin hefur verið norðan heiða, en á milli 700 til 800 gestir mættu á hana. 

-Haldin í Íþróttahöllinni á Akureyri laugardaginn 25. mars nk. Árshátíð Samherja verður haldin laugardaginn 25. mars nk. í Íþróttahöllinni á Akureyri. Um verður að ræða einhverja fjölmennustu árshátíð sem haldin hefur verið norðan heiða, því gert er ráð fyrir um 800 gestum.

 -eru góð laun, öruggt starfsumhverfi og gott mannlíf eitthvað fyrir þig?

FRÉTTATILKYNNING frá UK FISHERIES og J. MARR UK Fisheries er að jöfnum hlut í eigu Onward Fishing Co., dótturfélags Samherja hf. og Parlevliet Van Der Plas í Hollandi.:

Stjórn Sæsilfurs hefur ákveðið að setja ekki laxaseiði í sjó á vori komanda. Ákvörðunin hefur það í för með sér að slátrun á árinu 2007 verður innan við 500 tonn hjá félaginu og að engin laxaframleiðsla verður árið 2008. Til samanburðar má geta þess að áætlað er að slátra um 4.000 tonnum af laxi hjá Sæsilfri á yfirstandandi ári. Sæsilfur er í meirihluta eigu Síldarvinnslunnar hf. og Oddeyrar hf., dótturfélags Samherja hf.

Árið 2005 er metár í sögu landvinnslu Samherja á Dalvík. Framleitt var úr 10.483 tonnum af hráefni, samanborið við 9.588 tonn árið áður, sem þá var met. Aukningin er rúm 9% á milli ára. Um 120 stöðugildi eru hjá landvinnslunni á Dalvík.

Jól í Barentshafi Vesturvon, sem gert er út af Framherja í Færeyjum, fór til veiða undir skipstjórn Eyðuns á Bergi, í byrjun desember.  Eyðun á Bergi er vel þekktur meðal íslenskra sjómanna en hann var skipstjóri á Akrabergi í 11 ár. Auk hans eru 30 manns í áhöfn og er reiknað með að veiðiferðinni ljúki í byrjun febrúar.