Fréttir

Um 6.500 tonn af fiskhausum og hryggjum falla til á ári í fiskvinnsluhúsi Samherja á Dalvík. Til þessa hefur afurðunum verðið ekið í körum til þurrkvinnslunnar en með nýjum búnaði er því nú dælt eftir rörum milli húsanna. Lagnakerfið er um 300 metra langt. Afgangsvatn frá kælikerfi fiskvinnsuhússins er notað við dælinguna.

Samherji og Útgerðarfélag Akureyringa, sem er í eigu Samherja, greiddu Hafnasamlagi Norðurlands og Dalvíkurhöfnum samtals 110,7 milljónir króna í hafnargjöld á síðasta ári. Fyrirtækin eru afar mikilvægir viðskiptavinir þessara norðlensku hafna.

Togarar Samherja og ÚA landa að mestu á Akureyri og Dalvík, enda fiskvinnsluhús félaganna þar.

„Almennt séð gekk okkur ótrúlega vel í heimsfaraldrinum. Um þessar mundir eru markaðir að taka við sér, eftirspurnin er góð og verðin yfirleitt ágæt,“ segir Gústaf Baldvinsson framkvæmdastjóri Ice Fresh Seafood og Seagold en þessi tvö félög sjá um að selja afurðir Samherja og fleiri fyrirtækja um víða veröld.

Stjórn Samherja fiskeldis hefur ákveðið að stækka landeldisstöð félagsins í Öxarfirði um helming, þannig að framleiðslan verði um þrjú þúsund tonn af laxi á ári. Áætlaður kostnaður er um einn og hálfur milljarður króna. Framkvæmdastjóri Samherja fiskeldis segir miðað við að framkvæmdum verði lokið eftir um það bil eitt ár. Sem hluti af hringrásarhagkerfi eldisins, bættri nýtingu og kolefnisjöfnun er áformuð landgræðsla og síðar skógrækt á nærliggjandi jörð, sem Samherji hefur keypt vegna stækkunarinnar.

Helga Steinunn Guðmundsdóttir var um helgina gerð að heiðursfélaga Íþrótta- og Ólympíusambands Ísland en Helga hefur unnið ómetanlegt starf í þágu íþrótta á Íslandi. Frá þessu er greint á heimasíðum ÍSÍ og Knattspyrnufélags Akureyrar. Helga Steinunn situr í stjórn Samherja og er stjórnarformaður Samherjasjóðsins sem hefur stutt íþróttahreyfinguna dyggilega.

Tveir nýir stjórnendur, sem eiga það sameiginlegt að vera sjávarútvegsfræðingar frá Háskólanum á Akureyri, hafa verið verið ráðnir til Samherja fiskeldis í Sandgerði. Með þessum ráðningum eru sjávarútvegsfræðingarnir sem starfa hjá Samherja og skyldum félögum samtals tuttugu og fjórir , enda leitast Samherji við að ráða til sín og hafa í sínum röðum einvalalið starfsmanna.

Samherji hagnaðist um 7,8 milljarða króna á síðasta ári. Heimsfaraldurinn hafði víðtæk áhrif á reksturinn. Forstjóri félagsins segir að reynt hafi verulega á samstöðu allra og útsjónarsemi, tekist hafi að halda úti skipaflotanum, vinnslum og annarri starfsemi þannig að reksturinn hafi haldist svo að segja óbreyttur.
Aðalfundur Samherja var haldinn í gær, ákveðið var að greiða ekki út arð vegna síðasta árs.

Til þess að framleiða heilnæmar gæðaafurðir þarf gæðaeftirlitið að vera virkt og stöðugt. Í fiskvinnsluhúsum ÚA á Akureyri og Samherja á Dalvík er mikil áhersla lögð á gæðaeftirlit, enda markmiðið að framleiða afurðir sem uppfylla ýtrustu væntingar og kröfur viðskiptavina. “Í raun og veru er okkur fátt óviðkomandi þegar gæðamál eru annars vegar,” segir Sólveig Hallgrímsdóttir í gæðaeftirlitinu á Dalvík.

Heimsfaraldurinn hafði eðlilega umtalsverð áhrif á starfsemi hátækni fiskvinnsluhúss Samherja á Dalvík, sem formlega tók til starfa fyrir rúmu ári síðan. Með nýjum búnaði og gerbreyttri tækni, komu engir utanaðkomandi sérfræðingar í húsið mánuðum saman. Áskoranir starfsfólksins voru því margar en samt sem áður var slegið framleiðslumet í fiskvinnslunni á Dalvík á síðasta fiskveiðiári. Yfirverkstjórinn segir að góður undirbúningur hafi skipt sköpum.

Af og til sjáum við auglýst eftir Baadermönnum en sjálfsagt eru ekki allir alveg með það á hreinu hvað Baadermaður gerir í raun og veru. Starfsfólk í fiskvinnsluhúsum landsins veit hins vegar upp á hár hvað Baadermaður gerir og víst er að í fiskvinnsluhúsi ÚA á Akureyri þekkja allir Axel Aðalsteinsson, sem einmitt er Baadermaðurinn þar.