Fréttir

Jóhannes Stefánsson, fyrrverandi framkvæmdastjóri yfir starfsemi Samherja í Namibíu, hafði sumarið 2016 uppi áform um að fara á bak við Samherja og hefja rekstur í Namibíu með öðru útgerðarfyrirtæki. Ætlaði hann að nýta sér þau viðskiptasambönd sem félög tengd Samherja höfðu byggt upp í landinu. Við starfslok Jóhannesar fundust ítarleg minnisblöð sem hann hafði ritað við ýmis tilefni meðan hann stýrði útgerðinni í Namibíu. Ekkert í þessum minnisblöðum, sem eru eiginlegar dagbækur, styðja þær fullyrðingar sem hann setti fram í þættinum Kveik í Ríkissjónvarpinu.

Norðurál og Samherji fiskeldi, sem er hluti af samstæðu Samherja, hafa skrifað undir viljayfirlýsingu í tengslum við kaup á eignum Norðuráls í Helguvík. Samherji fiskeldi er með möguleika til laxeldis á lóðinni til skoðunar.

Samherji hf. hagnaðist um rúmlega 9 milljarða króna á síðasta ári. Rekstrarniðurstaðan er í samræmi við væntingar stjórnenda. Sem fyrr er stórum hluta afkomu Samherja varið í fjárfestingar í þágu samstæðunnar. Þær veigamestu á árinu 2019 voru í nýju fiskvinnsluhúsi á Dalvík og smíði nýrra skipa. Fjárfestingar í nýjum skipum, tækjum og búnaði endurspegla eins og áður metnað til uppbyggingar Samherja og það markmið að starfsmenn vinni við framúrskarandi aðstæður hverju sinni.

Settar hafa verið fram ásakanir um að félög tengd Samherja í Namibíu hafi leigt aflaheimildir í Namibíu á verði sem var langt undir markaðsverði. Athugun sem Samherji lét gera á verðlagningu kvóta í samningum ótengdra aðila staðfestir að félög tengd Samherja greiddu markaðsverð fyrir kvótann. Þetta er til umfjöllunar í nýjum þætti sem Samherji hefur látið framleiða.

Eftir að norska lögmannsstofan Wikborg Rein lauk athugun sinni á starfsemi félaga sem tengjast Samherja í Namibíu 28. júlí sl. og kynnti skýrslu sína fyrir stjórn Samherja, hefur félagið með ýmsum hætti opinberlega leiðrétt og hrakið þær ásakanir sem á það hafa verið bornar.

Hið nýja og stórglæsilega uppsjávarskip Samherja Vilhelm Þorsteinsson EA 11 er væntanlegt til landsins um næstu áramót en skipið er í smíðum hjá Karstensens skipasmíðastöðinni í Skagen í Danmörku.

Í nýju sjónvarpsinnslagi er fjallað á stuttan en greinargóðan hátt um nýtt vinnsluhús Samherja á Dalvík og þann hátæknibúnað sem notaður er í húsinu.

Fjallað er um siðareglur Ríkisútvarpsins og viðbrögð við kæru Samherja í fréttaskýringu í Morgunblaðinu í dag. Þar kemur fram að málið verði prófraun fyrir útvarpsstjóra og varpað er fram þeirri spurningu hvort útvarpsstjóri taki hagsmuni starfsmanna sinna fram yfir hagsmuni eigenda Ríkisútvarpsins.

Í nýjum þætti Samherja er fjallað um félagið Cape Cod. Í þættinum eru leiðréttar rangfærslur um félagið og tilgang þess, sem komu fram í sjónvarpsþættinum Kveik þar sem fjallað var um starfsemi Samherja í Namibíu.

Í nýjasta hefti tímaritsins Sóknarfæris er afar fróðleg umfjöllun um nýtt hátæknivinnsluhús Samherja á Dalvík en um er að ræða eitt fullkomnasta vinnsluhús í heiminum í bolfiskvinnslu.

Í tímaritinu er meðal annars rætt við Atla Dagsson, tæknistjóra landvinnslu Samherja um þær tækninýjungar sem eru í húsinu, sem var tekið í notkun hinn 14. ágúst síðastliðinn. Atli sagði það hafi verið mikla áskorun fyrir starfsmenn Samherja að taka þátt í að hanna og byggja nýja vinnsluhúsið frá grunni, sem er það eina sinnar tegundar í heiminum. „Okkar viðmiðun var að húsið afkasti að minnsta kosti 12 tonnum af hráefni á klukkustund,“ segir Atli í viðtalinu en Samherji á Dalvík hefur aðallega unnið þorsk og ýsu. Með nýja húsinu bætast við fleiri vinnslumöguleikar og sérhæfðar lausnir sem byggja á nýsköpun og frumkvöðlastarfi íslenskra hátæknifyrirtækja í samstarfi við Samherja.