Fréttir

Umhverfisvænn samgöngusamningur fær góðar viðtökur. „Jákvæður hvati til að skilja bílinn eftir heima.“

Samherji býður nú starfsmönnum sínum að gera samgöngusamning, sem kveður á um mánaðarlegan styrk til þeirra sem nota vist- og heilsuvæna ferðamáta til og frá vinnu að jafnaði þrjá daga í viku. Miðað er við að sá sem gerir slíkan samning mæti til vinnu með öðrum hætti en á einkabíl.

Vilhelm Þorsteinsson EA og Börkur NK áberandi á Seafood Expo Global

Myndband um ný uppsjávarveiðiskip Samherja og Síldarvinnslunnar, Vilhelm Þorsteinsson EA 11 og Börk NK 122, var sýnt á alþjóðlegu sjávarútvegssýningunni Seafood Expo Global sem haldin var í Barcelona á Spáni í síðustu viku.

„Bás Samherja á pari við bestu veitingastaði í Barcelona“

Alþjóðlega sjávarútvegssýningin í Barcelona á Spáni, Seafood Expo Global, er að hluta til mikil matarhátíð, þar sem sýnendur kynna framleiðslu sína fyrir viðskiptavinum og öðrum gestum sýningarinnar. Einar Geirsson matreiðslumeistari veitingastaðarins RUB 23 á Akureyri hefur séð um matreiðsluna á básum Samherja um víða veröld í nærri tvo áratugi. Hann segir alltaf jafn skemmtilegt að vinna á alþjóðlegum sýningum, enda Samherji þekkt fyrirtæki fyrir gæði og góðar afurðir.

Samherji með veglegan bás á Seafood Expo Global

Alþjóðlega sjávarútvegssýningin í Barcelona á Spáni Seafood Expo Global opnaði í morgun og er Samherji þar með veglegan bás. Gústaf Baldvinsson framkvæmdastjóri Ice Fresh og Seagold segir sýninguna mikilvægan vettvang fyrir sölu- og markaðsstarfið. Ice Fresh Seafood og Seagold sjá um að selja afurðir Samherja og fleiri fyrirtækja um víða veröld.

Hátt í tvö þúsund manns skoðuðu fiskvinnsluhús Samherja á Dalvík

Fiskvinnsluhús Samherja á Dalvík var opið almenningi á sumardaginn fyrsta, hátt í tvö þúsund gestir skoðuðu húsið, sem hefur verið lokað öðrum en starfsfólki frá því vinnsla hófst formlega í húsinu í ágúst 2020.

„Við sýnum húsið og allan búnaðinn með stolti“

Fiskvinnsluhús Samherja á Dalvík verður opið almenningi á sumardaginn fyrsta frá klukkan 09:00 til 13:00. Sigurður Jörgen Óskarsson vinnslustjóri segir tilhlökkun að sýna eitt fullkomnasta vinnsluhús heimsins í bolfiski enda hafi húsið verið meira og minna lokað öðrum en starfsfólki frá því vinnsla hófst í ágúst 2020.

Gjörið svo vel, gangið í bæinn

Hátæknivinnsluhús Samherja á Dalvík verður opið almenningi fimmtudaginn 21. apríl - sumardaginn fyrsta - frá klukkan 09:00 til 13:00. Vinnsla verður í gangi, þannig að einstakt tækifæri gefst til að sjá þetta magnaða hús, góðan aðbúnað starfsfólks og fullkomnar tæknilausnir sem byggja á nýsköpun og frumkvöðlastarfi.

Algjört lykilatriði að hafa góða áhöfn í góðu fiskeríi

Góð ufsaveiði hefur verið að undanförnu út af Reykjanesi. Skipstjórinn á Björgvin EA 311 segir vissulega gaman að lenda í góðu fiskeríi, en það megi ekki koma niður á gæðum hráefnisins til vinnsluhúsanna. Í slíkum túrum skipti sköpum að hafa góða og samhenta áhöfn.

Takk fyrir komuna !

Uppsjávarveiðiskip Samherja, Vilhelm Þorsteinsson EA 11, var sýnt almenningi laugardaginn 9. apríl. Skipið kom fyrst til Akureyrar 2. apríl á síðasta ári en sökum heimsfaraldursins var ekki hægt að sýna skipið opinberlega fyrr en nú.

Gjörið svo vel að ganga um borð

Uppsjávarveiðiskip Samherja, Vilhelm Þorsteinsson EA 11, verður sýnt almenningi laugardaginn 9. apríl. Skipið kom fyrst til Akureyrar 2. apríl á síðasta ári en það var smíðað sérstaklega fyrir Samherja. Sökum heimsfaraldursins hefur ekki verið hægt að sýna skipið opinberlega.